Laal Singh Chaddha (LSC)

ஆஸ்கார் விருது பெற்ற "Forrest Gump"  என்ற ஆங்கிலப் படத்தின் தழுவல் என்ற அறிவிப்போடு பலரால், முக்கியமாக என்னைப் போன்ற 'Tom Hanks" ரசிகர்களால் பெரிதும்  எதிர் பார்க்கப்பட்ட திரைப்படம் "Laal Singh Chaddha (LSC)".

பல வித காரணங்களுக்காக  இத்திரைப்படத்தை புறக்கணிக்கக் கோரி சமூக வலைத்தளங்களில் கடும்  பிரச்சாரம் செய்யப்பட்டு வரும் நிலையில்  இம்மாதம் 11-ம் தேதி இந்தியாவில் Laal Singh Chaddha (LSC) திரைக்கு வந்துள்ளது. 

இயக்குனர் Advait Chandhan கதையில் பெரிதாக மாற்றம் ஏதும் செய்யாமல் நம் நாட்டிற்கேற்ப திரைக்கதையில் மாற்றங்களைச் செய்து ஆங்காங்கே ரசிக்கும் விதமான காட்சிகளோடு  எமோஷனல் மற்றும் நகைச்சுவை என்னும் உப்பு. காரத்தைக் கலந்து சுவையாகவே படைத்திருக்கிறார்.

எழுபதுகளில் தொடங்கும்  Laal Chaddha-வின் வாழ்கை அந்தந்த கால கட்டத்தில் நிகழும் முக்கிய நிகழ்வுகளால்  எவ்வாறு திசை திரும்புகிறது என்பதை காட்டியவாறு நிறைவுறுகிறது. முக்கிய நிகழ்வுகள் என்றாலே அரசியலும் சினிமாவும் தானே!!!

ஆங்கிலப் படத்தில் நாயகன் கல் பெஞ்சில் அமர்ந்தவாறு கதை சொல்லுவார் ஆனால் Amir Khan ஓடும் ரயிலில் அமர்ந்து கொண்டு சொல்கிறார் அவரோடு சேர்ந்து நாமும் பயணிப்பது போல் இருந்தது.

அமீர் கானின் அப்பா, தாத்தா, கொள்ளு தாத்தா என்று மூன்று தலைமுறைகளை சித்தரித்த விதமும் அதே போல் அமீரின் நண்பராக வரும் நாக சைதன்யாவின் கடந்த தலைமுறையினை காட்டிய விதமும் அனைவரையும் கவரும் என்பதில் ஐயமில்லை.

ஷாருக்கான் வரும் காட்சிகளும் போரில் அமீர்கான் செய்யும் கூத்துகளும் Cringe ஆக தெரிந்தாலும்  நம்மை சிரிக்க வைத்து ரிலாக்ஸ் ஆக்கியது எனலாம்.

மேலே கூறப்பட்ட காட்சிகள் ஒரிஜினல் படத்தில் இருந்து வேறுபட்டிருந்தாலும் கைதட்டல் வாங்கியது.




பொதுவாகவே ரீமேக் படங்களை ஒரிஜினலோடு ஒப்பிட கூடாது எனினும் இங்கு Tom Hanks -ன் Subtle ஆன நடிப்பை அமீர்கானின் சற்று மிகைப்பட்ட (Caricatured Performance) நடிப்போடு ஒப்பிடாமல் இருக்க முடியவில்லை எனினும் சிறிது நேரத்தில் அமீரின் நடிப்பிற்கு நம்மால் அட்ஜஸ்ட் ஆகவும் முடிந்தது.

இப்படத்தின் மூலம் வேறெந்த சர்ச்சையிலும் சிக்கிக் கொள்ள கூடாது என்பதில் அமீர்கான் உறுதியாக இருந்திருப்பார் போல மத, அரசியல் தொடர்பான காட்சிகள் அனைத்தும் மிக ஜாக்கிரதையாகவே கையாளப்பட்டிருக்கிறது.

ஆங்காங்கே வரும் Montage பாடல்கள் படத்திற்குத் தேவையான Feel ஐத் தந்தது.

அனைத்து நடிகர்களில் தேர்வும் கனகச்சிதம் கரீனா கபூர் உட்பட. அமீருக்கு அடுத்தபடியாக கை தட்டல் வாங்குவது அவருக்கு அம்மாவாக வரும் Mona Singh .குழந்தை நட்சத்திரங்கள் நம் கண்களிலேயே நிற்கிறார்கள்.

அமீர்கான் எப்பொழுது ரயிலை விட்டு இறங்குகிறாரோ அங்கிருந்து படம் ஆமை வேகத்தில் நகரவில்லை எனினும் நமக்கு அவ்வாறு தான் தோன்றியது. 

மொத்தத்தில் Laal Singh Chaddha (LSC) is one of the finely  made remake movies எனலாம்.

திரையரங்கில் சென்று நான் பார்த்த இப்படம் விரைவில் Netflix-ல் வெளிவரும் என்று கூறப்படுகிறது. உங்களுக்கு வன்முறை, குத்துப் பாடல், பன்ச் Dialogue பேசும் வழக்கமான Template   மசாலா படங்கள் பிடிக்காது என்றால் Laal Singh Chaddha (LSC)-வை  குடும்பத்தோடு பார்த்து ரசிக்கலாம்.

Comments

Post a Comment

Popular posts from this blog

Soubin Shahir - யார் இந்த கதா(தை) நாயகன்?!

Image
2020-ம் ஆண்டு மார்ச் மாதம் உலகெங்கும்  கரோனாவின் தீவிரம் பரவத் தொடங்கி கிட்டத்தட்ட அனைவருமே வீட்டில் முடங்க வேண்டிய சூழல் நிலவியது. குறைந்த பட்சம் அடுத்த ஆறு மாதத்திற்காவது இது தொடரும் என்ற நிலை வந்த பொழுது நம்மில் பலரும் பல புதிய பழக்க வழக்கங்களை கடை பிடிக்கத் துவங்கினோம். அதில் பாரபட்சமின்றி உலக மக்கள் அனைவராலும் பின்பற்றப்பட்ட ஒன்று OTT-ல் படம் பார்ப்பது. நானும் அதற்கு முன் Streaming Service -களில்  படம் பார்த்தவள் தான் என்றாலும் இந்த அசாதாரணமான Quarantine காலகட்டத்தில் அதன் எண்ணிக்கை பன்  மடங்காக பெருகியதோடு மட்டுமல்லாமல் அதன் எல்லையும் தமிழ் படங்களைக் கடந்து விஸ்தாரமாக விரியத் துவங்கியது எனலாம். இந்த OTT வசதியை மிகவும் லாவகமாக பயன்படுத்திக் கொண்ட பட உலகம் என்றால் அது 'Molly Wood" என்று அழைக்கப்படும் மலையாள பட உலகம் தான். அதிக பொருட் செலவில்லாமல் குறைந்த தினங்களில் படங்களை முடிக்கும் மலையாள இயக்குனர்கள் இந்த புதிய வாய்ப்பை இனம் கண்டு  வாரம் தவறாமல் அனைத்து OTT தளங்களிலும் தரமான மலையாளப் படங்கள் வந்த வண்ணம் இருக்கும் படி பார்த்துக் கொண்டனர். இன்றும் அது தொடர்கிறது...
Read more

Charlotte 2 Canada - By Car - The Capitol State #roadtrip #travel_blog

Image
It was the year 2006. The very first time I visited Niagara Falls. Mesmerized by its elegancy and the grandness I was standing there looking at the people in the long distance. By pointing at the Rainbow Bridge and the Giant Wheel on the other side of the falls my Husband exclaimed that "the falls might look more beautiful from the Canadian Side I Believe"!!! As a true Indian Immigrant we planned our Canada trip as soon as we received our Green Card. To refresh our Kids' memory we planned it as a road trip and decided to visit places along the way. N.C to D.C One fine morning we started our drive from Charlotte, N.C. After 6 hours of driving with couple of pit stops and crossing Virginia State we checked in at our hotel around 4:00 in the evening. Usually most of us will stay in suburbs like Fairfax, Dulles(VA), Baltimore(MD). We too did the same and booked ours in Camp Spring, MD. We freshened up ourselves quickly and drove (20mins due to traffic) to the Metro station an...
Read more

மகாராஜா

Image
திரில்லர் படங்கள் இரண்டு விதம்.  முதல் வகை -  தட்டில் கவிழ்த்த நூடுல்ஸ் போல பல்வேறு கதாபாத்திரங்கள் பிண்ணி பிணைந்து ஒரே நிகழ்வை நோக்கிச் செல்லும் அனைவருமே சம்பவத்தில் சம்மந்தப் பட்டவர்களாகவே தோன்றுவார்கள். இரண்டாம் விதம் - நால்வழி சாலையில் செல்லும் வாகனங்களைப் போல  ஒன்றுக்கொன்று தொடர்பில்லாத பல்வேறு கேரக்டர்-களை இயக்குனர் அறிமுகப்படுத்திக் கொண்டே செல்வார் அவர்களுள் யார் குற்றவாளி என்று படம் செல்லச் செல்ல புலப்படும். மஹாராஜா இதில் இரண்டாவது ரகம். பற்றாக்குறைக்கு Non - Linear முறையில் கதை சொல்கிறேன் பேர்வழி என்று அதீத குழப்பம் நமக்குத் தான். இன்றைய தேதியில்  பெரும்பாலோனோருக்கு படத்தின் கதை தெரிந்திருக்கும் எனினும் Spoiler இல்லாமல் எழுதுகிறேன். படம் தொடங்கி தனது வழக்கமான பாணியில் நடிக்கும் விஜய் சேதுபதியைப் பார்க்கும் போது சற்று Cringe ஆகத்தான் இருந்தது ஆனால் அதுதான் படத்திற்கு மிகப்பெரிய பிளஸ் பாய்ண்ட் ஏனென்றால் அடுத்த என்ன வரும் என்ற நமது யூகத்திற்கு அது மிகப்பெரிய தடையாக இருந்து படத்தின் சஸ்பென்ஸை தக்க வைக்க உதவுகிறது. முன்னும் பின்னுமாக நகரும் கதையும் screenplay-ல் ...
Read more