Stolen - Hindi Movie

சமீபத்தில் அமேசான் ப்ரைமில் வெளி வந்த திரைப்படம் "Stolen".  

இத்திரைப்படத்திற்கு நல்ல ரேட்டிங் இருந்ததாலும் சமூக வலைத்தளங்களிலும் இதைப்பற்றிய சலசலப்பு சற்று அதிகமாக இருந்ததாலும் சரி பார்க்கலாம் என்று முடிவெடுத்தேன்.

நடு இரவில் ரயில்வே பெஞ்சில் உறங்கிக் கொண்டிருக்கும் "Jhumpa" வின் 5 மாத பெண் குழந்தை  களவு போகிறது. அவ்விடத்தில் எதிர்பாரா விதமாக மாட்டிக்கொள்ளும் இரு சகோதரர்கள் காவல்துறையை நம்பாமல் எவ்வாறு குழந்தையை மீட்டெடுக்க உதவுகிறார்கள்?! 

இதற்கிடையில் குழந்தையை பறிகொடுத்தவளைப் பற்றி போலீசார் கூறும் குற்றச்சாட்டுகள் உண்மையா?! 

ஒரு விஷயத்தை நன்கு அறிந்து கொள்ளாமல் சமூக வலைத்தளங்களில் பதிவிடுவதும் அதைப்பார்த்த இளைஞர்கள் உடனேயே குற்றவாளிகளை தண்டிக்கும் நீதிமான்களாக மாறுவதும் அதனால்  ஏற்படும் விபரீதங்கள் என்னென்ன என்றும் இந்த ஒன்றரை மணி நேர திரைப்படத்தில் மிக நேர்த்தியாகக் கூறியிருக்கிறார் இயக்குனர் கரண் தேஜ்பால்.


"Stree" படத்தில் நடித்த அபிஷேக் பானெர்ஜிக்கு இதில் மிக வித்தியாசமான கதாபாத்திரம். அவர் தம்பியாக வருபவர், காவல் அதிகாரி என்று விரல் விட்டு எண்ணக்கூடிய கதை மாந்தர்களைக் கொண்டு impressive ஆன கதையை கொடுத்திருக்கிறார்கள்.

படத்தின் First Half இரவின் இருட்டிலும் மறு பாதி அதிகாலை முதல் நன் பகல் வரை என ஒளிப்பதிவை அழகாக கையாண்டிருக்கிறார்கள்.

மேற்கூறியவற்றை படித்த உங்களின் பெரும்பாலானோரின் மனதில் தோன்றும் சந்தேகத்தை தீர்த்து விடுகிறேன்.

படத்தில் எமோஷனல் அழுகைக் காட்சிகள் அதிகமா? - இல்லை 

வன்முறைக்காட்சிகள் உண்டா? - உண்டு ஆனால் தேவையான அளவே.

மகாநதியில் கமல் தன் மகளைத் தேடி அலைவது போல் இருக்குமோ?! - கண்டிப்பாக இல்லை.

உண்மைச் சம்பவத்தை அடிப்படையாகக் கொண்டு, நகைச்சுவை, காதல், பாடல் என்று Diversion இல்லாமல் யாரும் ஹீரோயிசம் செய்யாமல் சினிமாத்தனத்தை சரியான விகிதத்தில் கலந்து - ஒரே நேர்கோட்டில் பயணிக்கும் இத்திரைப்படத்தை கட்டாயம் ஒரு முறை பார்க்கலாம், இயக்குனர் நாம் எதிர்பாரா "Twist" ஒன்றை வைத்திருக்கிறார்!

பின் குறிப்பு - இத்திரைப்படம் எனக்கு "Lapattaa Ladies" ஐ நினைவு படுத்தியது ஏன் என்று தெரியவில்லை 😉

Comments

Post a Comment

Popular posts from this blog

மகாராஜா

Image
திரில்லர் படங்கள் இரண்டு விதம்.  முதல் வகை -  தட்டில் கவிழ்த்த நூடுல்ஸ் போல பல்வேறு கதாபாத்திரங்கள் பிண்ணி பிணைந்து ஒரே நிகழ்வை நோக்கிச் செல்லும் அனைவருமே சம்பவத்தில் சம்மந்தப் பட்டவர்களாகவே தோன்றுவார்கள். இரண்டாம் விதம் - நால்வழி சாலையில் செல்லும் வாகனங்களைப் போல  ஒன்றுக்கொன்று தொடர்பில்லாத பல்வேறு கேரக்டர்-களை இயக்குனர் அறிமுகப்படுத்திக் கொண்டே செல்வார் அவர்களுள் யார் குற்றவாளி என்று படம் செல்லச் செல்ல புலப்படும். மஹாராஜா இதில் இரண்டாவது ரகம். பற்றாக்குறைக்கு Non - Linear முறையில் கதை சொல்கிறேன் பேர்வழி என்று அதீத குழப்பம் நமக்குத் தான். இன்றைய தேதியில்  பெரும்பாலோனோருக்கு படத்தின் கதை தெரிந்திருக்கும் எனினும் Spoiler இல்லாமல் எழுதுகிறேன். படம் தொடங்கி தனது வழக்கமான பாணியில் நடிக்கும் விஜய் சேதுபதியைப் பார்க்கும் போது சற்று Cringe ஆகத்தான் இருந்தது ஆனால் அதுதான் படத்திற்கு மிகப்பெரிய பிளஸ் பாய்ண்ட் ஏனென்றால் அடுத்த என்ன வரும் என்ற நமது யூகத்திற்கு அது மிகப்பெரிய தடையாக இருந்து படத்தின் சஸ்பென்ஸை தக்க வைக்க உதவுகிறது. முன்னும் பின்னுமாக நகரும் கதையும் screenplay-ல் ...
Read more

மெய்யழகன் Vs லப்பர் பந்து

Image
  மெய்யழகன்  லப்பர் பந்து  C.பிரேம் குமார் இயக்கத்தில் அரவிந்த்சாமி, கார்த்தி மற்றும் பல அபிமான நட்சத்திரங்கள் நடிப்பில் செப்டம்பர் மாதம் திரைக்கு வந்து வெற்றி நடை போடுவதாக அறிவிக்கப்பட்ட திரைப்படம். அட்டகத்தி தினேஷ், ஹரிஷ் கல்யாண் நடிப்பில் தமிழரசன் பச்சமுத்து இயக்கத்தில் செப்டம்பர் மாதம் திரைக்கு வந்து வெற்றி நடை போட்ட திரைப்படம்.  படத்தின் முழுக் கதையும் இரு ஆண் கதாபாத்திரங்களை சுற்றியே நகர்கிறது  இளமைக்காலத்தில் இவ்விரு கதாபாத்திரங்களும் சந்தித்திருப்பதாகவும் மறுபடியும் நிகழ்காலத்தில் சந்திப்பதாகவும் காட்டப்படுகிறது  80, 90-களில் வெளிவந்த திரைப்பட  பாடல்களை பின்னணியில் இசைக்க விடுவது இன்றைய ட்ரெண்ட்..இரண்டு திரைப்படங்களிலும் இதைக் காணலாம்  இரு முக்கிய  கதாபாத்திரங்களை இணைக்கும் common factors  ஊரும் உறவுகளும் அவைகளின் மேல் அவர்கள் கொண்டிருக்கும் பாசமும் நட்பும்  இரு முக்கிய கதாபாத்திரங்களை இணைக்கும் common factor கிரிக்கெட்டின் மேல் அவர்கள் கொண்டிருக்கும் தீராக்காதல் என்று நமக்குத் தோன்றினாலும் அவர்களின் குடும்பத்தினர் மேல் கொண...
Read more