சுழல் - The Vortex

கடந்த வருடம் அமேசான் Prime - ல் வெளிவந்த குறுந்தொடர்களில் ஒன்று 'சுழல் - The Vortex". பார்த்திபன், ஸ்ரேயா ரெட்டி, ஐஸ்வர்யா ராஜேஷ், கதிர், இளங்கோ என்று நடிகர் பட்டாளங்களை முன்னிறுத்தி "புஷ்கர்- காயத்ரி" எழுதிய கதையை "பிரம்மா- அனுசரண் முருகையன்" இயக்கியிருக்கிறார்கள்.

சாம்பலுர் என்னும் கிராமத்தில் ஒரே ஒரு சிமெண்ட் தொழிற்சாலை தான் அனைவரின் வாழ்வாதாரம். அங்கு தொழிலார்களுக்கும் முதலாளிக்கும் இடையே பிரச்சனை..தலைமை தாங்கி போராட்டத்தை நடத்துகிறார் யூனியன் தலைவர் ஷண்முகம் (பார்த்திபன்). அந்த ஊரின் காவல்துறை (ஸ்ரேயா மற்றும் கதிர்) பண முதலைகளின் பக்கம் நிற்கிறது.

சாம்பாலூரில் மயான கொள்ளை திருவிழா தொடங்குகிறது. அதே நாளில் தொழிற்சாலையில் தீ பிடிக்கிறது. இந்த களேபரங்களுக்கு இடையே சண்முகத்தின் மகள் நிலா காணாமல் போகிறாள்.

மேல்கூறிய பிரச்சனைகளில் சுழலை ஒவ்வொன்றாக களைந்து சீர்படுத்துகிறார்கள் 8-வது  எபிசோடில் முடிவில்.




நிலா கடத்தப்பட்டிருக்கிறாள் என்று கதிர் கண்டறிவதும் அதனைத் தொடர்ந்து வரும் காட்சிகளும் விறுவிறுப்பாக படமாக்கப்பட்டிருந்தது. திடீரென்று நிலாவின் பிணம் ஏரியில் கிடைப்பதும் அதனைத் தொடர்ந்து அடுக்கடுக்காக காட்டப்படும் சம்பவங்களும் முதலில் நம்முடைய ஆர்வத்தை தூண்டுவதாக இருந்தாலும் நம் பொறுமையை நன்றாகவே சோதிக்கிறது.

போலீஸ் சந்தேகப்படும் பாத்திரங்கள் குற்றவாளிகளாக இருக்க மாட்டார்கள் என்று ஏனோ நம்மால் ஈசியாக சொல்லிவிட முடிகிறது.

தொழிற்சாலை தீ விபத்தை துப்பறியும் சந்தானபாரதி பாத்திரம் அருமை!!!

ஒளிப்பதிவாளர் முகேஸ்வரன் மலைப்பிரதேசத்தில் அழகையும், ஊர் திருவிழாவின் அலங்காரங்களையும், மனித உணர்ச்சிகளையும் மிக அழகாக பல்வேறு கோணங்களில் சுழன்று சுழன்று  படமாக்கி அசத்தியிருக்கிறார்.

காட்சிகள் வேகம் குறையாமல் சென்றாலும் Web Series களுக்கே உண்டான தொய்வு வரத்தான் செய்கிறது. அளவுக்கு அதிகமான Topic களை பிரச்சனைகளின் பட்டியலில் சேர்த்து விட்டார்களோ என்று எண்ணச்செய்து விட்டது இந்தச் 'சுழல் - The Vortex".

பார்த்திபனுக்கு அளவாக நடிக்க வேண்டிய கட்டாயம். அவருடைய குண்டக்க மண்டக்க  பேச்சுகளுக்கு இடமில்லை. ஷ்ரேயா மற்றும் ஐஸ்வர்யாவின் நடிப்பு போகப்போக சலிப்பைக் கொடுக்கிறது.

மொத்தத்தில் நேரமிருந்தால் தாராளமாக பார்க்கலாம். குழந்தைகளுடன் பார்ப்பதை தவிர்க்கவும். வயதானவர்களுக்கு பிடிக்குமா என்று தெரியவில்லை.

Comments

Post a Comment

Popular posts from this blog

Soubin Shahir - யார் இந்த கதா(தை) நாயகன்?!

Image
2020-ம் ஆண்டு மார்ச் மாதம் உலகெங்கும்  கரோனாவின் தீவிரம் பரவத் தொடங்கி கிட்டத்தட்ட அனைவருமே வீட்டில் முடங்க வேண்டிய சூழல் நிலவியது. குறைந்த பட்சம் அடுத்த ஆறு மாதத்திற்காவது இது தொடரும் என்ற நிலை வந்த பொழுது நம்மில் பலரும் பல புதிய பழக்க வழக்கங்களை கடை பிடிக்கத் துவங்கினோம். அதில் பாரபட்சமின்றி உலக மக்கள் அனைவராலும் பின்பற்றப்பட்ட ஒன்று OTT-ல் படம் பார்ப்பது. நானும் அதற்கு முன் Streaming Service -களில்  படம் பார்த்தவள் தான் என்றாலும் இந்த அசாதாரணமான Quarantine காலகட்டத்தில் அதன் எண்ணிக்கை பன்  மடங்காக பெருகியதோடு மட்டுமல்லாமல் அதன் எல்லையும் தமிழ் படங்களைக் கடந்து விஸ்தாரமாக விரியத் துவங்கியது எனலாம். இந்த OTT வசதியை மிகவும் லாவகமாக பயன்படுத்திக் கொண்ட பட உலகம் என்றால் அது 'Molly Wood" என்று அழைக்கப்படும் மலையாள பட உலகம் தான். அதிக பொருட் செலவில்லாமல் குறைந்த தினங்களில் படங்களை முடிக்கும் மலையாள இயக்குனர்கள் இந்த புதிய வாய்ப்பை இனம் கண்டு  வாரம் தவறாமல் அனைத்து OTT தளங்களிலும் தரமான மலையாளப் படங்கள் வந்த வண்ணம் இருக்கும் படி பார்த்துக் கொண்டனர். இன்றும் அது தொடர்கிறது...
Read more

Charlotte 2 Canada - By Car - The Capitol State #roadtrip #travel_blog

Image
It was the year 2006. The very first time I visited Niagara Falls. Mesmerized by its elegancy and the grandness I was standing there looking at the people in the long distance. By pointing at the Rainbow Bridge and the Giant Wheel on the other side of the falls my Husband exclaimed that "the falls might look more beautiful from the Canadian Side I Believe"!!! As a true Indian Immigrant we planned our Canada trip as soon as we received our Green Card. To refresh our Kids' memory we planned it as a road trip and decided to visit places along the way. N.C to D.C One fine morning we started our drive from Charlotte, N.C. After 6 hours of driving with couple of pit stops and crossing Virginia State we checked in at our hotel around 4:00 in the evening. Usually most of us will stay in suburbs like Fairfax, Dulles(VA), Baltimore(MD). We too did the same and booked ours in Camp Spring, MD. We freshened up ourselves quickly and drove (20mins due to traffic) to the Metro station an...
Read more

மகாராஜா

Image
திரில்லர் படங்கள் இரண்டு விதம்.  முதல் வகை -  தட்டில் கவிழ்த்த நூடுல்ஸ் போல பல்வேறு கதாபாத்திரங்கள் பிண்ணி பிணைந்து ஒரே நிகழ்வை நோக்கிச் செல்லும் அனைவருமே சம்பவத்தில் சம்மந்தப் பட்டவர்களாகவே தோன்றுவார்கள். இரண்டாம் விதம் - நால்வழி சாலையில் செல்லும் வாகனங்களைப் போல  ஒன்றுக்கொன்று தொடர்பில்லாத பல்வேறு கேரக்டர்-களை இயக்குனர் அறிமுகப்படுத்திக் கொண்டே செல்வார் அவர்களுள் யார் குற்றவாளி என்று படம் செல்லச் செல்ல புலப்படும். மஹாராஜா இதில் இரண்டாவது ரகம். பற்றாக்குறைக்கு Non - Linear முறையில் கதை சொல்கிறேன் பேர்வழி என்று அதீத குழப்பம் நமக்குத் தான். இன்றைய தேதியில்  பெரும்பாலோனோருக்கு படத்தின் கதை தெரிந்திருக்கும் எனினும் Spoiler இல்லாமல் எழுதுகிறேன். படம் தொடங்கி தனது வழக்கமான பாணியில் நடிக்கும் விஜய் சேதுபதியைப் பார்க்கும் போது சற்று Cringe ஆகத்தான் இருந்தது ஆனால் அதுதான் படத்திற்கு மிகப்பெரிய பிளஸ் பாய்ண்ட் ஏனென்றால் அடுத்த என்ன வரும் என்ற நமது யூகத்திற்கு அது மிகப்பெரிய தடையாக இருந்து படத்தின் சஸ்பென்ஸை தக்க வைக்க உதவுகிறது. முன்னும் பின்னுமாக நகரும் கதையும் screenplay-ல் ...
Read more